Stord U19 jenter og gutar gjorde unna tredje serierunde på Husnes i dag. Pga trekt lag i pulja fekk jentene kun spelt to kampar, men vart kompensert med femsettskampar. Dei tapte første kampen 2-3 mot Skånevik, men slo Alvidra greit 3-0 i neste. Gutane opna mot førstelaget til Rossvoll. Trass klart 0-2 (8-25, 11-25) spelte gutane likevel årsbeste med skikkeleg innsats og jobbing på banen. Det hjelper å spele mot betre lag! Mot Sveio vart det jamnare, men likevel 0-2 tap. I sluttspelkampen mot Rossvoll sitt tredjelag vart det til slutt 2-1 siger. Eit dårleg førstesett, men henta seg fint inn i andre og tredje. Flott jobba i dag, gutar!

Valentina med serv mot Skånevik. 77 bilete frå serierunden her: U19 Husnes 21.01.12

Det er tid for påmelding til HobbyVolley nr 24! Dette gjer du ved å velge Påmelding HobbyVolley under hovudmenyen til venstre. Fyll ut alle felta i skjemaet og trykk send. Påmeldingsfrist er fredag 3. februar.

Full invitasjon i pdf-format kan du laste ned her: Invitasjon HobbyVolley

Påmeldte lag vert lagt ut etter kvart. Lurer du på noko, kontakt Svein Andersland på mob 91399524.

Laurdag 15. januar var det serierunde 3 for U16. Trenar Knut Ove melder at jentene spelte fire jamne kampar i Ågotneshallen, og kunne like godt vunne alle kampane. Gutane spelte i Bildøyhallen, og vann dei to første kampane 2-0. I finalen mot Strandvik vart det tap 1-2, knappast mogleg i tredje sett 15-17...

Ole i fint driv i finalen mot Strandvik. Fleire foto her: Yngre serierunde Bildøyhallen 150112